香港新浪網 MySinaBlog
« 上一篇 | 下一篇 »
PigFarm | 4 April, 2006 | 我的演藝朋友 | (711 Reads)
我終於都一嘗當褓姆的滋味~~emoticon

新秀(仲係新秀?)前天來電,因近日公司嚴重人手短缺,有一個表演公司找不到褓姆,要新秀找朋友幫幫手,當然啦!我幫到既梗係幫啦!順便聚一聚舊。

原來這是一個新伊館的騷,他的母校六十周年校慶,被邀請表演的校友有祝文君、黎小田、戚美珍等等。他當晚會唱兩首歌,一首係舊曲新詞有關學校,一首係佢自己既歌,於是我地就係後台背歌詞。

到他上台唱歌,我便站在台則聽他唱歌,唔,不錯emoticon,開始有少少星味,可能係跑慣江湖既原因,再唱佢自己既歌時,我發現真係有fans,唔係一個,係有一班,不時叫喊佢個名,突然都覺得自己唔同左(因為我係佢褓姆麻)。

keithshow

這是我在台則拍的,大家見唔見到螢光幕既佢呀? 

 

回到後台,正預備離去時,已有一班初中生在等他,等他簽名、映相,我先是一咢,唔,好正常0者,作為一個歌手,梗會有fanS架啦!到佢地簽哂名既時候,佢同我講︰「嘩!快d走,好肚餓...」梗係啦!成十點鐘啦喎,誰不知一到大堂,有一班合唱團正在預備,一見到新秀,已經有幾個學生妹妹叫佢個名,繼而有幾個要簽名要映相,最後諗住走得啦掛,一出門口,再有兩個die hard fans等緊,好勁呀!雖然真係好肚餓,但係佢都要同佢地映埋相、傾多兩句先走emoticon...

一上的士,我就忍唔住講︰「原來你真係有fans架喎emoticon...」,佢話今日已經係少左...

無見佢一排,佢又成熟左,都岩既,出黎做野係咁,最緊要唔好學壞0者。

好開心我可以係佢眼中仍然見到佢對自己理想既堅持,以及對自己既要求,呢一樣係作為一個歌手應有既,我真係好期待佢可以出碟,我唔會要求佢送一隻俾我,我一定要真金白銀賣,因為我覺得值得,同埋能夠用自己錢去買佢既碟,亦都係一份光榮。


[1]

好耐無見佢啦...有d掛住佢添!想念他那傻傻笨笨的孩子臉!哈哈....每次落k都會click入佢幅相睇下有無新MV睇! SanSan


[引用] | 作者 SanSan | 04 April 2006, 18:35 | [舉報垃圾留言]

[2]

我都好想有依個機會呀..點先做到褓姆嫁..?你有冇得介紹嫁..?


[引用] | 作者 婷婷 | 14 July 2006, 02:59 | [舉報垃圾留言]

[3]

我都係幫朋友,
我無錢收架!


[引用] | 作者 小社工 | 20 July 2006, 11:36 | [舉報垃圾留言]