飲品︰
1. 我好鍾意飲既「桃」味水，膠樽裝，招紙上有隻桃，寫住2%﹐呢枝唔係普通既水，係有2%桃既水~~
2. 韓國人涼茶「米水」，黃色鋁罐，好似咖啡罐肥肥矮矮咁，罐上面有一碗米飯，好唔好飲？見人見智la
3. 香蕉奶，有d似大樽裝益力多，不過d字同個蓋係綠色，導遊話無「唔唔」飲佢好喎，但我都係唔敢試。
以上各大飲品於便利店、超市均有發售，原本諗住係機場買返黎做手信，點知搵唔到呀！！！
零食︰
真係好好味！即食蟹柳！！！同香港既係完全兩回事，一包包便利店有得買，細包裝一包四條，好有蟹味又唔粉，晚晚要食完一包先訓，但機場又係無得買架！點解...........
紫菜︰
最好係超巿買，因為唔會有假野，又平，平過導遊帶你去既手信店，最好唔好係街邊買，因為導遊話會有假野，分別係，真既紫菜會有好多洞，假既係密哂，因為將d紫菜碎用槳糊糊返佢喎（導遊講既）
辛辣面︰
好多人試過都話韓國製既辛辣面，係好食過香港買中國製既辛辣面，所以有好多香港人係一箱箱買返香港，注意！你可以買一個係酒店試下先，因為小妹覺得分別唔大，又唔係特別平，如果要買，都係係超巿買好，因為辛辣面係公價發售，但有時超巿會有減價。
生果︰
士多啤利--有團友話士多啤打針，所以又紅又大粒，攪到我唔夠胆試...
車厘茄--我覺得好食過香港
香瓜--黃色，好似木瓜咁大個，有香味，但食落會好淡味
糕點︰
韓國榚點有d似和菓子，好靚咁，但係千祈唔好試！
因為勁難食，如果你真係想食，你可以成班人買一盒試下，仲有一隻榚點係好似月餅，啡啡地色，不過扁d，一塊塊買，又係超難食！小心小心！
東大門32cm雪榚︰
必食！計埋雪榚筒有32cm高，食落又幾滑喎！
韓國老麥︰
食既差不多，但價錢較貴，所以無試到..
