hocc真係好正︰

1. 個場設計好正、好特別，原本以為點解得場中間豆腐膶咁細既，原來內有乾坤，識紳長摺短

2. d衫好靚，頭一套同黑色tube果套勁型，劉生設計果套真係最靚、紅色裙好深刻、紫色西裝grand得黎都係型。

3. 唱功好，又唱又跳難唔到，live唱到心都震埋，個感覺好似佢紳隻手去摸你個心咁

4. 無嘉賓，唱哂自己d正歌，咁仲好

5. 好touch，我唔覺得娘喎，紅館喎！俾我都衝上台抱住阿媽啦！

6. 氣氛好，貴精不貴多，雖然只開三場，但出現既一定係hocc既超級fans，所以大家勁投入

7. 一個字︰「型」「靚」...兩個字tim

完場後，忍不住要買相，這是我看過咁多次演唱會第二次最多人係紅館買相，而我又死迫埋去買，對上一次陶鋃包，係睇哥哥...

bty...買相既時候，真係好多人，好迫，個阿姐俾左相我，但未收我錢，我好堅持要俾錢佢，但佢當我好似隱形咁，我叫佢收錢都唔理我，跟住我側邊同後面既fans開始細細聲同我講︰「算啦！佢都唔收你...」「走吧啦！你阻住後面呀...」「由佢啦！佢都賺夠...」我仍然企左係佢正正面前50cm左右，唔知係咪咁仲見我唔到，叫左成五分鐘都係無反應，剩係識收後面d人d錢，結果...我都係走左，我決定將買相既錢捐出黎做善事，買多幾張愛心劵...

好後悔唔睇400.....期待下次傳奇.....